منتدى عروسة بغداد

منتدى عروسة بغداد

منتدى عروسة بغداد يبحث عن كل المواضيع العامة وعن الغربة
 
الرئيسيةالبوابةالتسجيلدخول

شاطر | 
 

  اشعار عراقية شعبية اتجنن

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عروسة بغداد
نائبة المدير العام
نائبة المدير العام
avatar

عدد المساهمات : 214
تاريخ التسجيل : 19/03/2011
العمر : 32
الموقع : العراق بس حاليا عايشة في امريكا

مُساهمةموضوع: اشعار عراقية شعبية اتجنن    السبت مايو 07, 2011 8:13 am

[center]***

انا البلياك قلبي اشما يدق يبرد

ياباب الفرح والحزن مد الشوف
خايف لا يهب عالي الهوى وتنسد

يا اسود رمش هنيالو لون الليل
لانه وي عينك دووووم يتودد

فضلك عالحسن انته اخر العنقود
وبستان الورد لولاك ما ورد

يلزفه عرس ضحكتك تالي الليل
ويا عين الصقر بالزعل من تحتد

عودني اعله بعدك وانته ابو الطيبات
بلكي اعلى الصبر يمعود اتعود

والكلك اشوصف بيك؟ واشعدد؟

اشو لا مو حلو وما تشبه الغزلان
ولاريح القرنفل بيك لو ورد

ولا عينك مسافه وبسمتك سلوان
ولا كل الي يشوفك تمر يتحدد

ولا الله ابتلاني واخالط الجيلين
ولا عمري اعله شربه ماي يتفرهد

ولا تزهي ابشبابك ماخذك طغيان
ولا انت العزيز البيك بس اركد

ولا غاوي ولذيذ وتشبه النعناع
طيبه وطيبتك كل يوم تتجدد

ولا طولك مصيبه ومثل كل الناس
حسنك موقبي وخدك مثل كل خد

يا اسهل من اسمي وصعب حد الغيض
وطلاسم لو ردت وياي تتشدد

صقني احبك حب غريب الطور
واحب صبرك عليه وما قلت لاحد

***

---------------


المضيع ذهب
بسوق الذهب يلقاه
والمضيع محب
يمكن سنه وينساه
بس المضيع وطن
وين الوطن يلقاه

----------------------

2

انزف صبر يا وطن بية الك مية جرح
كلما يهيد الالم بجروحي اذرّ الملح
افديك يا وطني لو مية مره انذبح
واشرب نخب هيبتك من المسا للصبح
مثلك محب ما الي ومثلك جرح ما يصح

***

قلبي على وطني

قلبي على وطني
وي رشفه الفنجان

وبكل تحيه صبح
من حايط الجيران

لو ما انته ياحيرتي
ما كان كل ما كان

من غير ارض واهل
ما قيمه الانسان؟

بس يا خساره الاهل
من حط رحاله الجمل
وياك علو الجبل

ولارخص علك اجنبي
تتخضع وتنحني
قلبي على وطني

***

قلبي على وطني وي كل سحابه تفوت
وعن كل بطل ما بخل فوق التراب يموت
وعن كل دمع من يشع عالخد يقع بسكوت

وعن كل قمر لو ظهر
وبحزن روحي انتحر
والطير فوق الشجر

ينشد باعذب صوت
الماي من ينغلي
من لوعته يغني
آنه انكوي بطيبتي
وكل حي طلع مني
قلبي على وطني

اهواك يا وطني لو جنتك ناري
وانزفلك الدم شعر واهديلك اشعاري

كل يوم نقعد سوه واحكيلك سراري
تفقدني من ابتعد وتزورني بداري
وابكيلك ابلا دمع واشرحلك الجاري

معذور من سرني
معذور من لامني
قلبي على وطني

دمعتي ويسقيني كاس الندم
انطيته حلم العمر ونطاني جنه وهم
واني مثل هالبشر هم روح دم ولحم

وما ضعف حبي اله
ولا غيرت مسكني
قلبي على وطني

***

بالحرب شلتك نبض من ساتر لساتر
وشربتك بخوذتي من حبك الطاهر
تغفه على سبابتي ويبقى القلب ساهر
ومن ضاق بيك الوكت انطيتك اخواني
كل ما تذبل قمر تطلب قمر ثاني
لاجيت عزيتني ولا شاركت احزاني

اشكيك يا منيتي لوتشتكي مني؟؟
قلبي على وطني
قلبي على وطني

***

قلبي على وطني كل ما تدق صافره
وكل ما قذيفه غدر تنطلق من طائره
وعن كل طفل منذهل وعن نظرته الحايره

وكل قنبله لو اجت وبأرضك اتفجرت
اتفجر الحالتي وبكفوفك اتناثر
احزانه صوغتك وايامنه امكابر

وبس الحزن والالم
من شجرتك ينجني
قلبي على وطني

***

----------------------

وشكرا [/center]
الرجوع الى أعلى الصفحة اذهب الى الأسفل
http://3arosatbaghdad.montadarabi.com
فرح
المشرفين
المشرفين
avatar

عدد المساهمات : 207
تاريخ التسجيل : 11/07/2011
العمر : 22

مُساهمةموضوع: رد: اشعار عراقية شعبية اتجنن    الثلاثاء يوليو 12, 2011 3:01 am

يسلموووووووووو ع اللموضوع الرائع
الرجوع الى أعلى الصفحة اذهب الى الأسفل
عروسة بغداد
نائبة المدير العام
نائبة المدير العام
avatar

عدد المساهمات : 214
تاريخ التسجيل : 19/03/2011
العمر : 32
الموقع : العراق بس حاليا عايشة في امريكا

مُساهمةموضوع: رد: اشعار عراقية شعبية اتجنن    الأربعاء يوليو 13, 2011 7:35 am

منورة الموضوع فروحة
الرجوع الى أعلى الصفحة اذهب الى الأسفل
http://3arosatbaghdad.montadarabi.com
 
اشعار عراقية شعبية اتجنن
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى عروسة بغداد :: منتديات عروسة بغداد الأدبية :: منتدى الشعر الشعبي-
انتقل الى: